اسلام آباد، 11 اکتوبر 2023 ء : علماء اور آئمہ کرام اہم سماجی موضوعات پر اسلامی تعلیمات بارے لوگوں کو تعلیم دیں، صدر مملکت

صدر مملکت   کا معاشرتی و سماجی ترقی میں منبر و محراب کے کردار کے حوالے سے اجلاس میں اظہارِ خیال

اجلاس میں وفاقی وزیر مذہبی امور و بین المذاہب ہم آہنگی ، انیق احمد، پنجاب اور خیبرپختونخواہ کے وزراء برائے اوقاف و مذہبی امور کی شرکت

اجلاس میں  چاروں صوبوں اور آزاد جموں کشمیر  کے اوقاف و مذہبی امور محکموں کے سیکرٹریز  اور گلگت بلتستان کے چیف سیکرٹری کی بھی شرکت

لوگوں کی اخلاقی تربیت، اسلامی معاشرے کی تشکیل میں منبر و محراب کا اہم کردار ہے، صدر مملکت

مساجد مقامی آبادی کو تعلیم دینے ، رابطے کا اہم ذریعہ ہیں، صدر مملکت

ملک بھر میں اسکولوں سے باہر27 ملین بچوں کو تعلیم دینا بہت بڑا چیلنج ہے ، صدر مملکت

27 ملین اسکولوں سے باہر بچوں کی تعلیم کیلئے ہزاروں اسکول درکار ہوں گے ، صدر مملکت

ملک بھر میں 2.5 لاکھ سے زائد مساجد کو شرح ِ خواندگی بڑھانے کیلئے استعمال کیا جاسکتا  ہے ، صدر مملکت

فجر اور ظہر کے درمیان مساجد میں بچوں کو مذہبی تعلیم ، جدید ہنر اور تعلیم سے آراستہ کیا جا سکتا ہے، صدر مملکت

مساجد اسلامی اخلاقی اقدار کے فروغ ، لوگوں کی تعلیم و تربیت میں اہم کردار ادا کر سکتی ہیں، صدر مملکت

علماء ، خطیب اور مدارس معاشرتی اصلاح، غیبت ، عدم برداشت ، فیک نیوز جیسی سماجی برائیوں کے خاتمے کیلئے کام کریں، صدر مملکت

بڑھتی آبادی ، خواتین  کے حقوق ، بین المذاہب ہم آہنگی ، رواداری کا فروغ اہم سماجی امور ہیں، صدر مملکت

منبر و محراب اور علماء نے کورونا وبا کے دوران آگاہی پیدا کرنے  میں قابل تعریف کردار  ادا کیا، صدر مملکت

آئمہ کرام بیماریوں ، غذائی قلت  اور ذہنی و جسمانی کمزوری سمیت مختلف موضوعات پر آگاہی پیدا کر سکتے ہیں ، صدر مملکت

مساجد میں مذہبی ، تعلیمی اور سماجی سرگرمیوں   سے مقامی آبادی سے روابط مزید مضبوط ہوں گے ، صدر مملکت

اجلاس میں شرکاء نے اہم قومی  اور سماجی  موضوعات پر تعلیم دینے میں علماء کے کردار کے حوالے سے تجاویز بھی پیش کیں

٭٭٭